Со забрзувањето на климатските промени и почестите екстремни временски настани, потребата од дигитални, иновативни и ефикасни алатки за управување со ризици од поплави е поитна од кога било.

Во рамките на проектот URNBANFLOODS - водечка регионална иницијатива насочена кон подобрување на отпорноста на поплави во Јадранско-јонскиот регион - партнерите на проектот од Северна Македонија, Центарот за управување со знаење (CKM) и Факултетот за компјутерски науки и инженерство (FINKI), прават значаен чекор напред преку развој и имплементација на дигитален систем за поддршка на одлуки (DSS) за сливот на Крива Река, кај Крива Паланка, во Североистоичниот Плански регион..

DSS на Крива Река е една од клучните пилот-акции на проектот од Северна Македонија. Тој претставува практично, локално прилагодено решение за зголемените ризици од поплави во регионот. Сливот беше избран како пилот-област поради неговата изложеност на висок ризик и силната посветеност на локалните власти за зајакнување на отпорноста и подготвеноста за катастрофи.

Развиен во тесна соработка со партнерите на проектот URBANFLOODS, како и со националните и локалните засегнати страни и институции, DSS се темели на постојните рамки за намалување на ризикот од катастрофи - особено Меѓуопштинскиот стратешки план за намалување на ризикот од катастрофи 2022–2026 година за општините Крива Паланка и Ранковце.

Клучни функционалности на DSS за сливот на реката Крива Река:

• Мониторинг на поплави во реално време и моделирање на сценарија 
• Поддршка за координација на одговор во вонредни ситуации и планирање на евакуација 
• Интеграција со општински и национални системи за рано предупредување 
• Алатки за долгорочно урбано планирање и планирање на користење на земјиштето за ублажување на идните ризици 
• Поддршка на интеграцијата во ЕУ и отпорноста на климатските промени

Преку проектот URBANFLOODS, имплементацијата на DSS за сливот на Крива Река го трансформира начинот на кој локалните власти и заедниците пристапуваат кон ризикот од поплави. Понатаму, со искористување на дигиталните иновации, поттикнување на соработка на повеќе нивоа и јакнење на локалните актери, оваа иницијатива поставува моќен пример за тоа како паметните технологии можат да доведат до побезбедни, поотпорни заедници. Освен управувањето со непосредните ризици од поплави, Системот за управување со ризици од поплави придонесува за пошироки и долгорочни стратешки цели, вклучувајќи:

• Усогласување со законодавството на ЕУ за управување со водите и цивилна заштита
• Унапредување на националните и регионалните цели за прилагодување кон климатските промени
• Промовирање на решенија базирани на природата за одржливо ублажување на поплавите
• Дополнително, Системот за управување со ризици од поплави директно ја поддржува изработката на Планови за управување со ризици од поплави (FRMPs) за сливот на реката Крива Река, истовремено охрабрувајќи донесување одлуки засновани на докази, насочени кон иднината - клучен елемент за постигнување одржлив урбан развој и отпорност на климатските промени во Северна Македонија.