На 24-ти Септември (Понеделник) во просториите на ЕУ Инфо Центарот во Скопје се одржа 1-виот настан во рамките на ЕУ проектот ИноПлатформа- “Инфо ден Train the Trainer”наменет за зголемување на иновацискиот капацитет на компаниите.

Инфо-денот го организираше Центарот за управување со знаење во форма на информативен настан наменет за менаџерите на малите и средни претпријатија одговорни за развој на нови производи и услуги,  консултантите, како и претставници на организациите кои ја поддржуваат конкурентноста на претпријатијата (акцелератори, инкубатори, стопански комори, итн).

Главните цели на Инфо-денот беа:

• да се подигне свеста за потребата од иновации кај малите и средни претпријатија во Македонија,
• да се презентираат профилите на иноватори во земјата и во регионот, нивните практики и перформанси, – наоди добиени од истражувањето спроведено во рамки на проектот ИнноПлатформа,
• да се зајакне знаењето и вештините на сопствениците и менаџерите, и консултантите за успешно воведување на иновации во претпријатијата преку користењето на пет ИноАлатки развиени во рамки на проектот: ИноМодел, ИноСтратегија, ИноПартнери, ИноФинансии и ИноПроект.

Настанот опфати повеќе од 25 учесници, и во исто време беше емитувана во живо на каналот на проектот Инноплатформа.