Аплицирај за работилници за претприемништво спроведени во 5 земји, на 5 различни секторски теми! 

Животен Стил: Бугарија (3-7 декември 2018 година)

Информатички Технологии: поранешна Југословенска Репубика Македонија (21-25 јануари 2019 година) 

Технологија: Грција (18-22 февруари 2019 година)

Енергија: Кипар (16-20 март 2019 година)

Животна средина: Албанија (13-17 мај 2019 година)

Избраните кандидати ќе добијат целосен грант за учество на работилницата, сместувањето и патувањето. (Кофинансирани од Европската унија и националните фондови на земјите-учеснички)

Работилниците ќе се одржат на англиски јазик!

Услови за аплицирање:

Кандидатите треба да ги задоволуваат следниве услови:

• Да се граѓани на ПЈР Македонија,
• Да имаат над 18 години,
• Да имаат релевантно искуство (академско и/или практично) во една од 5-те секторски теми,
• Да имаат солидно познавање на англискиот јазик.

За да аплицираат, заинтересираните кандидатите треба да испратат:

• CV во Europass формат (притиснете тука за да ја преземете англиската верзија),
• Писмо за мотивација (слободен текст),
• Контакт информации: телефон и емаил адреса,
• Избраната тема (и) на кандидатот.

(Едно лице може да аплицира за повеќе од една тема / сектор, но може да биде избрано само за една од гореневедените обуки).

Аплицирањето се врши преку електронски пат на следнава е-маил адреса: Оваа е-адреса е заштитена од спамботови. Треба да ви е овозможено JavaScript за да ја видите.

Крајниот рок за пријавување е продолжен до 21 ноември, 2018 година!

Селекција на кандидати:

Учесниците на обуките ќе бидат избрани врз основа на нивното искуство релевантно за одбраните теми, видот и нивото на квалификација, јазичните вештини и мотивацијата.

• За секоја тема на работилниците, ќе бидат избрани  по 10 (десет) кандидати. Нивните трошоци ќе бидат покриени од страна на Центарот за управување со знаење во рамките на проектот "i3".
• Првата фаза на селекција е проценка врз основа на поднесената биографија и писмото за мотивација. Оние кандидати кои ќе ја поминат оваа фаза ќе бидат поканети на интервју.

За сите дополнителни информации, Ве молиме да ја користите горенаведената  е-маил адреса и/или следниов телефонски број +389 78 30 15 40

5-те тематски работилници (спроведени на англиски јазик) ќе ги содржат следниве модлули на работење:

     1. Основни модули:

• Бизнис/и кои се од корист и бенефит за општеството - историја на бизнисот, меѓународни и домашни пазари, клучни играчи, клубови, мрежи, платформи, финансирање итн.
• Уметност на комуникација - успешни приказни, мотивација, бизнис-етика и култура, „како да се збогатиш„, браинсторминг на одредена тема, итн.
• Направи ја математика - буџетирање, трошоци, девизни курсеви, заштеди, банки, профит, проценка на ризици и бенефиции итн

     2. Специфични модули:

• Презентација на состојбата на секторот и конкуренцијата,
• Пристап до ресурси, технологии, специфично финансирање, квалификации на работниот персонал,
• Форум за генерирање бизнис идеи, изнаоѓање партнери и поддршка.

Инфо за проектот:

Центарот за управување со знаење како проект-партнер на "i3 - Образование за идеи, пронајдоци и иновации за претприемништво", финансиран од Програмата за транснационална соработка на Балканско – Медитеранската Област 2014-2020, повикува на апликации за учество во високо специјализирани работилници за обука. Општата цел на проектот "i3" е да го поддржи територијалниот развој, соработката и конкурентноста во Балканско-Медитеранската програмска област преку развој, воспоставување и промовирање на модел за претприемачко обучување и трансфер на знаење (Модел "i3" - Идеи, Иновации, Иновации)наменет за студенти и млади претприемачи.

За темите: 

1.Животна средина: вклучува иновативни технологии за заштита на животната средина, ефикасност на ресурсите, климатски промени итн. Развој на специјализирани модули за обука.

2.Енергија: вклучува развој на нови и обновливи извори на енергија, енергетска ефикасност и др. Развој на специјализирани модули за обука.

3.ИТ: вклучува воведување на интегрирани системи - хардвер и софтвер за управување со високотехнолошки процеси, вештачка интелигенција, иновативни мултимедии и др. Развој на специјализирани модули за обука.

4.Начин на живот: вклучува активности за подобрување на квалитетот на животот, слободното време, здравјето и др. Развој на специјализирани модули за обука.

5.Технологија: вклучува истражување и употреба на иновативни технологии во производните процеси и секторите или во домаќинството, кои не се вклучени во погоре наведените теми. Развој на специјализирани модули за обука.